കഴിഞ്ഞ ജൂലൈ പതിനാലിനാണ്‌ ഞാന്‍ അവനെ കാണുന്നത്‌, ദിവസം ഓര്‍ത്ത്‌ വെക്കാന്‍ മറ്റൊരു കാരണം കൂടിയുണ്ട്. എന്റെ ജന്മദിനമാണ്‌ ജൂലൈ പതിനാല്‌. നീണ്ട് ചുമലിനൊപ്പം ഇറക്കിയ മുടിയും ചെറിയ കുറ്റിതാടിയും തിളങ്ങുന്ന കണ്ണുകളുമൊക്കെയായി ഏതാണ്ട് എന്റെ അതേ പ്രായം തോന്നിക്കുന്ന അവനെ കണ്ടപ്പഴേ ഒരു കൌതുകം തോന്നി, ട്രൈനിലേക്ക് ചാടിക്കയറാന്‍ ശ്രമിക്കവേ ഞാന്‍ കൈ കൊടുത്തു കയറ്റുകയായിരുന്നു.
നല്ല തിരക്കുള്ളതിനാല്‍ ഡോറില്‍ ചാരി മുഖാമുഖം നിന്നു. ''ഒരു കൈ സഹായത്തിനു നന്ദി പറഞ്ഞുകൊണ്ട്‌ അവന്‍ സ്വയം പരിചയപ്പെടുത്തി.'' ഞാന്‍ നരന്‍'' ''ഹെലോ, ഞാന്‍ റിഹാന് '' ''റിഹാന്!!നൈസ് നേം, എന്ത്‌ ചെയ്യുന്നു റിഹാന്??'' ഇവിടെ ഒരു ഓഡിട് കമ്പനിയില്‍ പ്ര്യാക്ടീസ് ചെയ്യുന്നു,അടുത്ത വീക്ക് ഗള്‍ഫില്‍ പോവുകയാണ്‌.'', ''എല്ലാം പരിശോധിച്ചറിഞ്ഞേ വിശ്വസിക്കൂ അല്ലേ താന്‍??'' അതെന്താ നരന്‍ അങ്ങിനെ ചോദിച്ചത്‌?'' ''ഏയ് ഒന്നുമല്ല താന്‍ തിരഞ്ഞെടുത്ത തൊഴില്‍ വച്ചൊരു പ്രവചനം നടത്തിയതാണു. ഹഹ''. അവന്‍ വാചാലനായി, ''റിഹാന് ഇന്നു പതിവിലും സന്തോഷവാന്‍ ആണല്ലോ? ഇന്നു റിഹാന്‍ന്റെ ജന്മ ദിനമോ മറ്റോ ആണോ?'' ''ഇതെന്തൊരല്‍ഭുതാം,,ഞാന്‍ ആകെ അന്ധാലിച്ച് നിന്ന് പോയി, ''നരന്‍ താങ്കള്‍ ഒരസധാരണ മനുഷ്യന്‍ തന്നെ,അവിശ്വസനീയം, താങ്കള്‍ക്ക് എന്നെ മുമ്പ്‌ പരിചയമുണ്ടോ? താങ്കള്‍ എന്റെ ഏതെങ്കിലും സുഹൃത്തിന്റെ സുഹ്രുത്ത്താണോ?'' വീണ്ടും അതേ ചിരി''ഹഹഹ റിഹാന് ഭയപ്പെടാതെ, ഞാന്‍ വെറുതെ ഒന്നു ഗസ് ചെയ്തതാ..''എന്നിട്ട്‌ കാമുഖി എന്ത്‌ പിറന്നാള്‍ സമ്മാനമാണ്‌ തനിക്ക്‌ തന്നത്‌? നല്ലൊരു ലെദര് പേഴ്സ്‌ ആവാനാണ് സാധ്യത''. ''നരന്‍ സത്യം പറയൂ.. താങ്കള്‍ ആരാണു? എന്നെ എങ്ങിനെ അറിയും? എനിക്ക് ഇതൊന്നും ഒരു തമാശയായി തോന്നുന്നില്ല..എന്താണു താങ്കളുടെ ഉദ്ദേശം??'' '' റിഹാന് വെറുതെ ടെന്‍ഷന്‍ ആവന്ട, ഞാന്‍ താങ്കളുടെ ഒരു പുതിയ സുഹൃത്ത് പോരേ?? അവള്‍ തന്ന പേഴ്സ്‌ ഇഷ്ടപ്പെട്ടോ, പറയൂ..? അവന്റെ പ്രവചനവും കളിയാക്കളും എന്നെ വല്ലാത്തൊരു ഭീതിയിലേക്ക് എത്തിച്ചു, ഞാന്‍ മൌനം പ്രാപിച്ചു..
അവന്റെ പെരുമാറ്റത്തില്‍ എനിക്ക് ഇഷ്ടക്കേട് ഉണ്ടെന്നു മനസ്സിലാക്കിയത് കൊണ്ടാവണം അവന്‍ വേറെ എന്തൊക്കെയോ സംസാരിച്ച്‌ തുടങ്ങി, ഞാന്‍ പുറത്തേക്ക്‌ നോക്കിക്കൊണ്ട്‌ നിന്നു, ട്രൈന്‍ ആലുവ സ്റ്റേഷനില്‍ എത്തി, തിരക്കോഴിഞ്ഞുവെങ്കിലും ഇരിക്കാന്‍ സീറ്റോന്നുമില്ല., വെറുതെ മൊബൈല്‍ഫോണ്‍ എടുത്ത്‌ നോക്കി, അനുവിന്റെ എസ് എം എസ് ഒന്നും കാണാനില്ല, അവള്‍ ഹോസ്‌റ്റലില്‍ തിരിച്ചെത്തിക്കാനും, ഇനിയിപ്പോ നാളെ പുലര്‍ച്ചക്കെ അവളുടെ എന്തെങ്കിലും വിവരം കിട്ടൂ,ഇനിയൊരിക്കല്‍ ഇത്പൊലെ അവളോടൊപ്പം യാത്ര ചെയ്യാന്‍ കഴിയുമോ? അവളെ ഇത്ര അടുത്ത്‌ ഇനിഎനിക്ക് കിട്ടുമോ? എന്നെങ്കിലുമൊറിക്കല്‍ നാട്ടില്‍ തിരിച്ച് വരുമ്പോള്‍ എനിക്ക് വേണ്ടി കാത്തിരിക്കാന്‍ അവളെ അവളുടെ അച്ഛനുമമ്മയും സമ്മതിക്കുമോ...ഒരിക്കലുമില്ല, എല്ലാം അറിഞ്ഞ് കൊണ്ട് തന്നെയാണ് അടുത്തത്‌. എന്നെങ്കിലുമൊരിക്കല്‍ പിരിയെണ്ടി വരുമെന്ന് മനസ്സ്‌ പലവട്ടം പറഞ്ഞിരുന്നു,എന്നിട്ടും. . രാവിലെ ബസ്സില്‍ ഇങ്ങോട്ട്‌ ഒരുമിച്ചാണു വന്നത്‌. അച്ഛന്‍ കാണുമെന്ന് പറഞ്ഞ്‌ എന്നെ ടൌണിലേക്ക് നടത്തിച്ചു അവള്‍. ഒരുപാട് നാള്‍ക്ക് ശേഷമാണ്‌ അവളെ ഒരു പകല്‍ മുഴുവന്‍ കൂടെ കിട്ടുന്നത്‌. അല്ലെങ്കില്‍ എന്നും പുലര്‍ച്ചെ ഹോസ്‌റ്റലിലെ കോയിന്‍ ഫോണില്‍ നിന്ന് ഒരു പത്തു മിനിട്ട് സംസാരം വീക്ക് എന്ടില്‍ അവള്‍ടെ വീടിനു മുന്നിലൂടെ പോവുമ്പോള്‍ ഒരു മിന്നായം, പിന്നെ കുറേ എസ് എം എസ്ഉം. അതാണ് ഞങ്ങളുടെ പ്രണയം. ആരും അറിയാതെ വര്‍ഷങ്ങള്‍ പിന്നിട്ട പ്രണയം. പെട്ടെന്നു കയറി വന്ന ഇവനിതെങ്ിനെ അറിഞ്ഞു!!!''ഹേയ്‌ റിഹാന്, തനിക്കെന്നെ കുറിച്ചുള്ള സംശയം ഇനിയും മാറിയില്ലേ? പേടിക്കേണ്ടടോ ഞാന്‍ മനശാസ്ത്രം പടിച്ച്‌ കൊണ്ടിരിക്കുന്ന ഒരു വിദ്യാര്‍ത്ഥിയാണ്.'' പോക്കറ്റില്‍ നിന്നും ഒരു സിഗരറ്റ് എടുത്ത്‌ കൊളുത്തി ഡോറിനടുത്തേക്ക്‌ നീങ്ങി നിന്നുകൊണ്ട് അവന്‍ പറഞ്ഞു. ട്രൈനില്‍ പുകവലി നിരോധിച്ചിരിക്കുന്നു എന്നു നരനറിയില്ലേ??'' ഞാന്‍ ധൈര്യം സംഭരിച്ച് അവനോട് ചോദിച്ചു. ''ഹഹ ട്രൈനില്‍ മാത്രമല്ല ഈ ലോകത്തുള്ള നിയമങ്ങളെല്ലാം തകര്‍ക്കപ്പെടേണ്ടതാണു, ആര്‍ക്ക്‌ വേണ്ടിയാണ് നിയമം? നിയമം സ്വാതന്ത്ര്യത്തിന്റെ അന്ധകനാണ്‌,ആരാണ്‌ ഈ നിയമങ്ങള്‍ കൊണ്ട് നന്നായത്? ഈ റൂട്ടില്‍ ഓടിയ ട്രൈനില്‍ നിന്ന് തന്നെയല്ലേ ഒരുത്തന്‍ ഒരു പാവം പെണ്‍കുട്ടിയുടെ സ്വപ്നങ്ങള്‍ പിച്ചി ചീന്തി പുറത്തേക്ക്‌ എറിഞ്ഞത്? അന്നാരുമുണ്ടായില്ലേ അവനെ നിയമം ഉപദേശിയ്ക്കാന്‍? എവിടെ നോക്കിയാലും വിലക്കുകള്‍,ജാതി,മതം, നിയമം,ബന്ധങ്ങള്‍ എല്ലാം പാഴ്. കയ്യിലുള്ള സിഗരറ്റ് പുറത്തേക്ക്‌ വലിച്ചെറിഞ്ഞ് അവനെന്നെ നോക്കി, എന്റെ സുഹൃത്തിനിഷ്ടമല്ലാത്തതൊന്നും എനിക്കും വേണ്ട.പക്ഷേ റിഹാന് വലിച്ചിരുന്നു, എനിക്കറിയാം '' റിഹാന്, നീ ചിന്തിച്ചിട്ടുണ്ടോ അന്യ മതത്തില്‍ പെട്ട നിന്റെ പെണ്ണിനെ കെട്ടാന്‍ ഈ വിലക്കുകള്‍ നിന്നെ സമ്മതിക്കുമെന്ന്?'' മനസ്സിന്റെ ഉള്ളിലൂടെ ഒരു കൊള്ളിയാന്‍ മിന്നി, ദേഷ്യം ഇരച്ച് കയറി. അവന്റെ ജുബ്ബയില്‍ കയറിപ്പിടിച്ച്‌ ചോദിച്ചു,''കുറേ നേരമായി നീ എന്നെ വട്ട് കളിപ്പിക്കുന്നു. പറ നീ ആരാണു???''ഹേയ്‌ റിഹാന്, താന്‍ എന്താണു ഈ കാണിക്കുന്നത്‌? നമ്മള്‍ മാത്രമല്ല ഈ ബോഗിയില്‍ ഉള്ളത്, മറ്റുള്ളവര്‍ ശ്രദ്ധിക്കും,കയ്യേടുക്കൂ..പ്ലീസ്,, ഞാന്‍ പറയാം.''
കുറച്ച്‌ നേരത്തെ മൌനത്തിന് ശേഷം ചുറ്റിലും ഒന്ന് കണ്ണോടിച്ച് അവന്‍ പറഞ്ഞ്‌ തുടങ്ങി.''റിഹാന് അഭ്യസ്ത വിദ്യനായ ഒരാള്‍ ആണ്, ഇങ്ങനെ ഷോര്‍ട്ട് ടെമ്പെര്‍ഡ് ആയാല്‍ അത്‌ തന്റെ ലൈഫിനെ ബാധിക്കും. ഞാന്‍ പറഞ്ഞില്ലേ ഞാനൊരു മനശാസ്ത്ര വിദ്യാര്‍ത്ഥിയാണ്, എന്റെ വേഷവും സംസാരവും ആയിരിക്കാം റിഹാന്‍ല് ദേഷ്യം ഉണ്ടാക്കിയത്. ഇതെന്റെ രീതിയാണ് റിഹാന്. ഞാന്‍ ആരെയും അധികം കയറി പരിചയപ്പെടാറില്ല, റിഹാനെ എനിക്ക് ഇഷ്ടപ്പെട്ടു, സഹ ജീവികളോടുള്ള തന്റെ ആത്മാര്‍ഥത എനിക്ക് കൈ തന്നു ട്രൈനില്‍ കയറാന്‍ സഹായിച്ചത്തില്‍ നിന്ന് മനസ്സിലായി.ആത്മാവുകളുടെ സൌഹൃദത്തിന്‌ മറ്റൊരു ലക്ഷ്യങ്ങളുമുണ്ടാകില്ല. അത്‌ കൊണ്ട് തന്നെയാണ് ഞാന്‍ തന്നോട്‌ ഇത്ര സൌഹൃദത്തോട് കൂടി സംസാരിച്ചതും..പിറന്നാളും പെഴ്സും എല്ലാം ഒരു നംബര് ആയി കൂട്ടിയാല്‍ മതി റിഹാന്..നമുക്ക്‌ നല്ല സുഹൃത്തുക്കളാവാം.'' എന്റെ ചുമലില്‍ തട്ടി അവന്‍ ചോദിച്ചു. ''ഇനിയും റിഹാന്റെ സംശയം തീര്‍ന്നില്ലേ??''നിന്റെ സ്‌നേഹിതന്‍ അവന്റെ മനസ്സു തുറക്കുമ്പോള്‍ നിന്റെ മനസ്സിലുണരുന്ന സംശയങ്ങളെ നീ ഭയക്കേണ്ടതില്ല, വിലക്കേണ്ടതുമില്ല'' ഇത്‌ ഞാന്‍ പറഞ്ഞതല്ല കേട്ടോ. എന്റെ ഒരു സുഹൃത്ത് പറഞ്ഞതാണ്''.
റിഹാന് സംസാരിക്കാന്‍ ഇഷ്ടപ്പെട്ട വിഷയമാവാം ഇനി നമ്മുടെ ചര്‍ച്ച.'' അവനെന്റെ മനസ്സിനെ കീഴ്‌പ്പെടുത്തുകയായിരുന്നു. ''പറയൂ , എന്താണു റിഹാന് ഏറ്റവും ഇഷ്ടപ്പെട്ടത്, അതല്ലെങ്കില്‍ ഏറ്റവും ഇഷ്ടപ്പെട്ട ഒരാളുടെ പേര്‍ പറയൂ..''എനിക്കേറ്റവും ഇഷ്ടം എന്റെ സുഹൃത്ത് സിദ്ധാര്‍ത്ഥിനോടാണ്,അവന്‍ ഇന്നു ജീവിചിരുപ്പില്ല.''
''സൌഹൃദം'' എനിക്കുമെറ്റവും ഇഷ്ടം റിഹാനെപ്പോലുള്ളവരോടുള്ള സൌഹൃദങ്ങളാണ്, കുറച്ച്‌ വര്‍ഷങ്ങളായി ഞാന്‍ ഒറ്റക്കാണു റിഹാന്, നിനക്കാറിയുമോ..വീട്‌ വിട്ടിറങ്ങിയ ദിവസം പോലും എനിക്കോര്‍മയില്ല..റിഹാന് കരുതുന്നുണ്ടാവും ഇപ്പോള്‍ ഈ യാത്ര എങ്ങോട്ടാണെന്ന്..പറയാം..എനിക്കൊരു സുഹൃത്തുണ്ടായിരുന്നു,ഒരുമിച്ച്‌ പടിച്ച്‌ വളര്‍ന്നവര്‍, അവനെ തേടിയാണ് എന്റേയീ യാത്ര..അവാനില്ലാതെ ഞാന്‍ അപൂര്‍ണ്ണനാണ്‌. റിഹാനെ ഓരോന്ന് പറഞ്ഞു ദേഷ്യം പിടിപ്പിച്ച പോലെ അവനേയും ഞാന്‍ കളിയാക്കുമായിരുന്നു.എന്നും അവന്റെ കയ്യിലുള്ളതെല്ലാം തട്ടിപ്പരിച്ചിരുന്നു ഞാന്‍, മുഖം വീര്‍പ്പിച്ച് പോവും, പക്ഷേ പത്തു മിനി ട്ടില്‍ കൂടുതല്‍ ഞങ്ങള്‍ പിണങ്ങിയിരിക്കാറില്ല...എന്തെങ്കിലും സൂത്രം കാണിച്ച്‌ ചിരിപ്പിക്കും ഞാന്‍ അവനെ.
എഴുത്തും പാട്ടുമായിരുന്നു അവന്റെ ഇഷ്ട വിനോദം, ഗസല്‍ കേട്ട് വൈകുന്നേരങ്ങളില്‍ ഞാനും അവനും കുന്നിന്‍ ചെരുവില്‍ കിടന്നു സിഗരറ്റ് പങ്കിടുമായിരുന്നു,രാത്രി അവന്‍ ഉറക്കമിളച്ചിരുന്നു എഴുതി പിറ്റേ ദിവസം എന്നെ കാണിക്കും.അത്‌ വായിച്ച് ഞാന്‍ പൊട്ടിച്ചിരിച്ച് പരിഹസിക്കും അവനെ.അവന്റെ മിക്ക രചനകളും എന്നെ കുറിച്ചായിരുന്നു..ഞങ്ങളുടെ സൌഹൃദത്തെ കുറിച്ച്‌. ''നിന്റെ ഭക്ഷണവും നിന്റെ ചിന്തകളും നിന്റെ സ്‌നേഹിതനാണ്‌. നിന്റെ മനസ്സിന്റെ വിശപ്പും ദാഹവും അറിയിക്കാന്‍ നീ അവനെ തെരയുന്നു.''
നരന്‍ പഴകിയ ഒരു ഡയറി എടുത്ത്‌ എനിക്ക് കാണിച്ച്‌ തന്നിട്ട്‌ പറഞ്ഞു.'അവന്‍ എഴുതിയതാണ്‌, ഞാന്‍ നേരത്തെ പറഞ്ഞില്ലേ റിഹാന് എന്നെ സംശയത്തോടെ നോക്കിയപ്പോള്‍??''നിന്റെ സ്‌നേഹിതന്‍ അവന്റെ മനസ്സു തുറക്കുമ്പോള്‍ നിന്റെ മനസ്സിലുണരുന്ന സംശയങ്ങളെ നീ ഭയക്കേണ്ടതില്ല, വിലക്കേണ്ടതുമില്ല..എന്ന്? അതെല്ലാം അവന്റെ തത്വങ്ങളാണ്..എന്നിലെ ഭീതി അലിഞ്ഞലിഞ്ഞ്‌ ഇല്ലാതായി.ഞാന്‍ നരനെ ആകാംക്ഷയോടെ നോക്കിക്കൊണ്ടിരുന്നു.
''ഞാന്‍ ഇറങ്ങാനുള്ള സ്ഥലമായിത്തുടങ്ങി റിഹാന്, എപ്പോഴെങ്കിലും എന്നെ ബന്ധപ്പെടണം എന്ന് തോന്നുക്‌യാണെങ്കില്‍ ഈ അഡ്രസ്സില്‍ ഒരു കത്ത്‌ അയച്ചാല്‍ മതി, ഡയറിയില്‍ നിന്നൊരു പേജില്‍ അഡ്രസ്സ്‌ എഴുതി കീറിയെടുത്ത്‌ എനിക്ക് നീട്ടി, അത്‌ വാങ്ങിച്ച്‌ പോക്കറ്റിലിട്ടു.''റിഹാന്,ആ കാണുന്ന കുന്നിന്‍ മുകളില്‍ ഒരു വെളിച്ചം കണ്ടോ??അവിടെയാണ് ഇന്നെന്റെ ഇടത്താവളം''
ട്രൈന്‍ ഇരിഞ്ാലക്കുട സ്റ്റേഷനില്‍ എത്തിയപ്പോഴേക്കും സമയം എട്ട്‌ കഴിഞ്ഞിരുന്നു.''അപ്പോ ശരി, തന്നെ അല്‍പ്പം വിഷമിപ്പിച്ചിട്ടുണ്ട്‌ ഞാന്‍, ക്ഷമിക്കുമല്ലോ..ഇറങ്ങുന്നു യൂ ടേക്ക്‌ ഏ ഗുഡ് കെയര് ,ഗുഡ്ബൈ.. എന്നും പറഞ്ഞവന്‍ ഇറങ്ങി നടന്നു. സീറ്റുകള്‍ കാലിയായി തുടങ്ങി, ജനലിനോട്‌ ചേര്‍ന്ന ഒരു സീറ്റില്‍ പോയിരുന്നു.ദൂരെ കുന്നിന്‍ മുകളില്‍ ആ വെളിച്ചത്തിലേക്ക്‌ നോക്കി..തണുത്ത കാറ്റ്‌ എപ്പഴോ ഉറക്കത്തിലേക്കെത്തിച്ചു.ചായക്കച്ചവടക്കാരുടെ ബഹളം കെട്ടാണ് ഉണര്‍ന്നത്‌.വണ്ടി ഷൊര്‍നൂര്‍ എത്തി, വേഗം ചാടിയിറങ്ങി ബസ്‌സ്റ്റാന്ടിനെ ലക്ഷ്യമാക്കി നടന്നു.ഭാഗ്യം ബസ്‌ എടുത്തിട്ടില്ല ലാസ്റ്റ്‌ ബസ്സാന്‌ ഇത്‌ കിട്ടിയില്ലെങ്കില്‍ ഓട്ടോ പിടിച്ച് പോവെണ്ടി വന്നിരുന്നു..വീട്ടിലെത്തി കുളി കഴിഞ്ഞ്‌ റൂമിലെത്തിയപ്പോഴാണ് ഡ്രസ്സില്‍ നരന്റെ അഡ്രസ്സെഴുതിയ കടലാസ്‌ ഉള്ള ഓര്‍മ്മ വന്നത്‌. വേഗം അത്‌ തപ്പിയെടുത്തു വായിച്ചു.''സുഹൃത്തില്‍ നിന്നും പിരിയുമ്പോള്‍ വിഷമിക്കാതിരിക്കുക, അവനില്‍ നീ എന്താനോ ഏറ്റവുമധികം ഇഷ്ടപ്പെടുന്നത്‌, അത്‌ അവന്റെ അസാന്നിധ്യത്തില്‍ കൂടുതല്‍ തെളിച്ചമുള്ളതാകും.'' എന്നില് വീണ്ടും ഭീതി ഉടലെടുത്തു...ഈ കയ്യക്ഷരം എനിക്കറിയാം??? ഇതവനെവിടുന്ന് കിട്ടി...?? ഇതെന്റെ ഡയറിയുടെ പേജാണല്ലോ??? വേഗം ഷെല്‍ഫിലെ പഴയ ഡയറി കയ്യിലെടുത്തു.പേജുകള്‍ മറിച്ച്‌കൊണ്ടിരുന്നു,എന്റെ കൈകള്‍ വിറക്കാന്‍ തുടങ്ങി,കണ്ണുകള്‍ നിറഞ്ഞോഴുകി,കുളിച്ച്‌ തണുത്ത ശരീരം വീണ്ടും വിയര്‍ത്തു. സെപ്റ്റമ്പര്‍ രണ്ട്‌, എന്റെ സിദ്ദ് വിടപറഞ്ഞ ദിവസം....സിദ്ദ്....നീയായിരുന്നോ അത്‌??നിന്നെ തിരഞ്ഞപ്പോഴൊന്നും അടുത്ത്‌ വരാതെ..എന്നെ ഭയപ്പെടുത്തി കള്ളച്ചിരി ചിരിച്ച് അകന്ന് പോയല്ലെ നീ സിദ്ദാര്ത്ഥ്..
സുഹൃത്തുക്കള്‍ സ്വര്‍ഗ്ഗത്തില്‍ നിന്നിറക്കപ്പെട്ടവരാണ്, അവര്‍ വരും പോകും. സ്വര്‍ഗ്ഗം എന്നും നിലനില്‍ക്കും, അതനശ്വരമാണ്‌ സൌഹൃദം പോലെ.
